Gwirfoddolwch gyda ni
Drwy gydol y flwyddyn rydym yn edrych am wirfoddolwyr brwdfrydig i ymuno â ni i redeg a datblygu’r fferm. Ein nod yw cysylltu â’r gymuned leol, felly os ydych yn byw yn agos ac eisiau gwirfoddoli a chyfnewid am gynnyrch ffres, cysylltwch â ni. I'r rhai sy'n byw ymhellach i ffwrdd rydym yn darparu llety trwy'r system Workaway. Cliciwch isod i weld ein proffil.
Beth sydd ar gael..
Lleoliad Arbennig
Mae gwirfoddoli ar Fferm Pandy yn rhoi cyfle i chi archwilio ardal hynod arbennig. O gerdded ym mynyddoedd prydferth Eryri, nofio yn y llynnoedd cudd, ymlacio ar draethau Ynys Môn neu ymweld â chastell Conwy mae rhywbeth i bawb yng Ngogledd Cymru.
Dysgu
Mae llawer o wybodaeth ymarferol ar gael i wirfoddolwyr ar Fferm Pandy. Gallech ddysgu sut i ofalu am ieir, i dyfu ffrwythau a llysiau, i ddefnyddio offer fferm ac i adeiladu. Mae cyfleoedd hefyd i ddysgu am fioamrywiaeth planhigion, ffyngau, ymlusgiaid a ffawna lleol.
Bwyd Ffres
Mae ein gwirfoddolwyr yn cael y cyfle nid yn unig i ddysgu, ond hefyd i weithio a chyfnewid am fwyd ffres drwy gydol y flwyddyn. Sicrwydd bwyd mewn cyfnod ansicr yw un o rhoddion mwyaf y tir ac mae bwyta’n dda, yn syth o’r fferm, yn foethusrwydd na ellir ei guro!
Mathau o Waith
Gofynnwn i'n gwirfoddolwyr Workaway am ymrwymiad o fis i gychwyn, a 25 awr o waith pop wythnos. Yn gyfnewid am hyn byddwn yn darparu llety, bwyd a digonedd o gynnyrch fferm blasus! Mae gwirfoddolwyr lleol yn cyfnewid am gynnyrch ffres a'r cyfle i ddysgu ar fferm weithredol. Cysylltwch â ni os oes gennych ddiddordeb.
Bydd y gwaith sydd ei angen yn amrywiol iawn, yn bennaf y tu allan mewn gerddi, gofalu am hwyaid ac ieir a gwaith adeiladu a chynnal a chadw o amgylch y fferm.
Mae gwirfoddolwyr blaenorol yn dweud…
Roedd y gwaith yn amrywiol iawn o helpu gyda'r ieir, plannu nionod, i helpu i ddylunio'r wefan. I unrhyw un sydd eisiau bod yn rhan o gymuned wych, gweithio ar brosiect sy’n ymwybodol o gymdeithas, bod mewn lleoliad hardd ac wedi’i amgylchynu â phobl da, gwirfoddolwch yn Fferm Pandy!”
— Ellen a Jess, 2023
“Cyrraedd fel dieithryn, gadael fel yr hyn sy'n teimlo fel aelod o'r teulu a ffrindiau unedig. Roedd hwn yn brofiad cyfoethog, lle gallwn roi cynnig ar amaethyddiaeth gynaliadwy, a dod yn agos at y broses o fyw ar y tir, ceisio gweledigaeth am ddyfodol mwy disglair, a theimlo’n wirioneddol fel dyfodol gwell yn bosibl yma.”
— Alex, 2023
“Roeddwn i’n teimlo’n gartrefol ar unwaith oherwydd eu personoliaethau cynnes a chroesawgar naturiol. Mae’r gwaith yn rhoi boddhad mawr, yn yr awyr agored yn yr awyr iach Cymreig gyda golygfa o’r mynyddoedd o’r ardd lysiau. Mae'r ardal o gwmpas yn syfrdanol, ac mae taith 15-20 munud yn mynd â chi i galon Parc Cenedlaethol Eryri. Diolch am fy nghael, byddaf yn bendant yn ôl! ”…
- Charlie, 2022
