“Rhoi diolchgarwch am fwyd a chymrodoriaeth”

Annwyl gyfeillion Fferm Pandy,

Mae'r haf yma - amser i ddathlu cyfoeth rhyfeddol Natur. Am yr holl ffa, llus, tomatos, ciwcymbrau, perlysiau, tatws, letys a mwy - rydyn ni'n rhoi diolch!

Mae hon yn flwyddyn o drawsnewid i ni ar y fferm ac rydym yn hynod ddiolchgar am waith caled pawb ar y tîm – yn enwedig Jo, ein Cydlynydd Gardd Farchnad, sydd wedi gweithio’n ddiflino i lenwi ein gardd gyda pop math o fwyd prydferth. Diolch, Jo!

Mae Hamperi Cynhaeaf nawr yn wythnosol!

Os hoffech dderbyn diweddariadau am ein hamper cynhaeaf (bocs llysiau) wythnosol mae croeso i chi ymuno â'n Grŵp WhatsApp neu cysylltwch â ni i ychwanegu eich cyfeiriad e-bost.

Unwaith rydych wedi ymuno byddwch yn derbyn rhestr o'r hyn sydd yn yr hamper bob dydd Gwener. Gofynnwn fod archebion i mewn erbyn nos Sul. Mae hamperi wedyn yn barod i'w casglu o'r fferm unrhyw bryd ar ôl 3pm ddydd Llun.

Mae hon yn ffordd wych o fwyta bwyd wedi’i gynhyrchu’n lleol ac i gefnogi’r fferm wrth i ni adnewyddu ein siop fferm. Y gost yw tua £12 yr wythnos, yn dibynnu ar argaeledd y cynnyrch. Os oes gennych chi gartref mawr mae gennych chi'r opsiwn i ddyblu'ch archeb.

Os oes gennych unrhyw gwestiwn cysylltwch â ni.

Cyfle gwirfoddoli wythnosol - yn dechrau dydd Mercher yma.. hoffech chi gymryd rhan?

I'r rhai ohonoch sy'n awyddus i ymuno â'n tîm a gwirfoddoli yn gyfnewid am lysiau ffres bob wythnos, mae diwrnod gwirfoddolwyr cymunedol rheolaidd bob prynhawn dydd Mercher o 2.30pm tan 5.30pm (yn dibynnu ar y tywydd) yn dechrau o ddydd Mercher nesaf, 31 Gorffennaf. .

Mae gwirfoddoli yn ffordd wych o ddysgu am gynhyrchu bwyd lleol, i gwrdd â phobl o’r un meddylfryd ac i helpu i ddatblygu sicrwydd bwyd lleol yn ein hardal. Mae hefyd yn hwyl - ac mae gennym ni amrywiaeth o weithgareddau sy'n addas i bob oed a gallu.

Y ffordd orau o gael diweddariadau am wirfoddoli yw ymuno â'n grŵp WhatsApp (botwm isod) ond os nad ydych chi'n defnyddio WhatsApp, cysylltwch â ni trwy'r dudalen gyswllt a byddwn yn eich cadw chi yn y ddolen.

Rhai o'n gwirfoddolwyr gwych yn helpu tynku chwyn o’r clwt llus mis diwethaf.

Mae’n Amser Casglu Llus Eich Hun ar Fferm Pandy!

Lawr yn y secsiwn ffrwythau meddal mae ein llwyni llus yn diferu gyda ffrwythau aeddfed, llawn sudd. Dewch draw i lenwi eich cynwysyddion (a’ch boliau) ag aeron blasus ac iach.

Mae hwn yn weithgaredd gwych i blant felly a fyddech cystal â throsglwyddo'r gair i'ch ffrindiau a'ch teulu. Fel mudiad sydd ddim yn defnyddio cyfryngau cymdeithasol rydyn ni'n dibynnu ar dafod leferydd - felly plis helpwch i ledaenu'r gair!

Mae llus yn llawn gwrthocsidyddion cryf, fitaminau, mwynau ac anthocyaninau (y pigment porffor mewn bwydydd naturiol). Nawr yw’r amser i lenwi’ch rhewgelloedd ag aeron am y flwyddyn i ddod.

Pandy Price Match - mae 500g o aeron wedi'u tyfu'n organig yn costio £6 yn unig - yr un prîs a Tescos! Darperir tybiau yn y darn ffrwythau meddal i fesur meintiau. Fe welwch yr holl gyfarwyddiadau yno. Cysylltwch â ni os oes gennych unrhyw gwestiynau.

Diweddariad Siop Fferm

Rydym yn brysur ar y fferm yn cynllunio ein siop fferm newydd - yn ail-agor ym mis Medi. Mae ‘na fwy o wybodaeth yn dod yn fuan!

Argymhelliad Llyfr - Feeding Britain gan Tim Lang

Mae'r llyfr hwn yn cymryd stoc o system fwyd y DU: o ble mae'n dod, beth rydyn ni'n ei fwyta, ei heffaith, breuder a chryfderau. Mae'n llyfr ar wleidyddiaeth bwyd.

Ar ôl cyfnod byr o bryder yn dilyn sioc ariannol 2008, mae llywodraeth y DU wedi cwympo unwaith eto i obaith annelwig y bydd y system fwyd yn parhau fel o'r blaen. Roedd bwyd, medden nhw, yn gofyn am fyrstio o dechnoleg amaeth a mwy o allforion i dalu am ein mewnforion enfawr.

Mae Feeding Britain yn dadlau bod hyn a dulliau eraill yn fyr eu golwg, yn erbyn budd y cyhoedd, ac o bosibl hyd yn oed ffolineb strategol. Nid yw gosod cwrs newydd ar gyfer bwyd y DU yn dasg hawdd ond mae'n broses y mae angen iddi ddechrau nawr. Mae'r llyfr hwn yn archwilio sut i wneud hynny.