Rhoi diolch am fwyd a chymrodoriaeth

‘Mae'r gaeaf wedi dod gyda phrinder, llynnoedd wedi gorlifo'u hochrau, rhew yn dadfeilio'r dail, mae'r don lawen yn dechrau mudanu.’

Gan awdur dienw, Iwerddon, 9fed ganrif.

Annwyl gyfeillion Fferm Pandy,

Mae yna harddwch dwfn yn llonyddwch y tymor wrth i dawelwch y gaeaf ddisgyn arnom. Ar y poncan sy'n codi yng nghanol ein fferm mae'r coed derw yn sefyll fel gwarchodwyr, eu canghennau cam, troellog wedi'u hysgythru yn erbyn yr awyr lwyd, mewn patrymau ffractal cymhleth.

Mae’r misoedd tawel hyn yn ein gwahodd i arafu, i arsylwi, ac i werthfawrogi’r rhoddion cynnil a ddaw yn sgil y gaeaf. Maent hefyd yn fisoedd o gynllunio ar gyfer y tymor tyfu i ddod, gan fireinio ein systemau cylchdroi cnydau a datblygu strategaethau ar gyfer dyfodol cynaliadwy ar y fferm.

…ac ar yr union bwnc hwnnw, darllenwch ymlaen i gael y wybodaeth ddiweddaraf am ein digwyddiad Confest Cynaliadwyedd sydd yn digwydd ym mis Mawrth, hefyd gwybodaeth newydd i wirfoddolwyr a swydd ar gael i ymuno â'n tîm yn 2025.

Swydd ar Gael

Mae Fferm Pandy yn recriwtio ar gyfer Tymor Tyfu 2025

Rydym yn chwilio am arddwriaethwr i ymuno â’n tîm, yn dechrau o fis Mawrth 2025.

Bydd y rôl yn cynnwys:

• Lluosogi, paratoi gwelyau, plannu, dyfrhau, chwynnu a  chynaeafu. 

• Cynorthwyo gydag archebion a danfoniadau

Gofynion hanfodol:

• Diddordeb brwd ym mhwysigrwydd egwyddorion organig/atgynhyrchiol a/neu fwyd a dyfir yn lleol. 

• Agwedd gallu gwneud, rhywun â ffitrwydd da oherwydd gall hon fod yn swydd sy'n gofyn llawer yn gorfforol. 

• Rhywun sy'n hapus i weithio ym mhob tywydd. 

• Sgiliau cyfathrebu da

  Bydd ceisiadau yn cau 31 Ionawr, 2025. Cysylltwch â ni am fwy o wybodaeth neu edrychwch ar-lein am fwy o fanylion.

Cig Oen Fferm Pandy

Unwaith y flwyddyn rydym yn cynnig y cyfle i'n cymuned brynu cig oen Pandy. Mae ein hŵyn eleni wedi bod yn griw bywiog, yn dianc o’r caeau i’r gerddi i fwyta ein bresych gaeafol.

Os hoffech chi archebu rhywfaint o gig oen (carcas cyfan / hanner carcas / toriadau amrywiol) mae croeso i chi ymuno â'n Grŵp WhatsApp i gael diweddariadau neu cysylltwch â ni'n uniongyrchol am ragor o wybodaeth. Daw'r holl doriadau wedi'u selio dan wactod, yn barod i'w bwyta.

Mae hon yn ffordd wych o gefnogi ein fferm a bwyta cig oen lleol, wedi’i fagu’n foesegol. Mae croeso i chi drosglwyddo ein manylion i ffrindiau neu deulu a allai fod â diddordeb. Ein cyfeiriad e-bost yw info@pandyfarm.org.

Os oes gennych unrhyw gwestiynau cysylltwch â ni.

Diweddariad Hamperi Cynhaeaf (Bagiau Llysiau)

Rhwng rhew, eira a’r defaid drwg mae gerddi’r fferm yn foel. Bydd plannu yn cychwyn eto yn gynnar yn y gwanwyn a'n nod yw cael ein bagiau llysiau ar gael eto cyn gynted â phosibl.

Diolch am eich amynedd yn y cyfamser :)

Cynhadledd Cynaladwyedd - Mawrth 14eg, 2025

Mae’n bleser gennym gyhoeddi’r Cynhadledd Cynaladwyedd agoriadol, digwyddiad hybrid sy’n cyfuno trafodaeth ar ffurf cynhadledd â llawenydd a dathliad gŵyl. Mae'r diwrnod unigryw hwn, sy'n cael ei gynnal ddydd Gwener, Mawrth 14eg, yn anelu at archwilio gwytnwch cymunedol yn wyneb newid hinsawdd.

Yn ystod y dydd, bydd y mynychwyr yn cymryd rhan mewn darlithoedd sy’n ysgogi’r meddwl gan weithredwyr lleol a gwesteion gwadd, yn cymryd rhan mewn gweithdai ymarferol sydd wedi’u cynllunio i ddatblygu sgiliau ymarferol, ac yn ymuno â thrafodaethau panel sy’n archwilio pynciau eang.

Wrth i’r haul fachlud, bydd Fferm Pandy’n trawsnewid yn faes gŵyl fywiog, lle bydd adloniant y noson yn cynnwys perfformiadau cerddoriaeth fyw, barddoniaeth ac adrodd straeon, gan greu awyrgylch o ddathlu a llawenydd. Gall gwesteion edrych ymlaen at ddawnsio dan y lleuad lawn, mwynhau bwyd lleol, a ffurfio cysylltiadau ystyrlon gyda ffrindiau hen a newydd.

Ymunwch â ni ar gyfer y diwrnod rhyfeddol hwn. Mae ‘na groeso cynnes i bawb!

Mwy o wybodaeth am y digwyddiad hwn yn dod yn fuan, os hoffech chi gymryd rhan, cysylltwch â ni.

Cynhadledd Cynaladwyedd - Cefnogi Arweinwyr Ifanc

Mae ein Cynhadledd Cynaliadwyedd yn cael ei threfnu gan Alia Berry, arweinydd ifanc yn ein cymuned sy’n frwd dros weithgareddau cymunedol a chadwraeth ecolegol. Mae hi'n gweithio i godi’r arian i helpu i gynnal y digwyddiad, sêf helpu i dalu am offer, siaradwyr a pherfformwyr.

Os hoffech chi edrych ar ei thudalen Go Fund Me a chefnogi ei gwaith, dyma'r ddolen.

Grŵp WhatsApp Newydd ar gyfer Gwirfoddolwyr

I unrhyw un a hoffai fod yn rhan o'n tîm gwirfoddoli rydym wedi sefydlu Grŵp WhatsApp newydd. Bydd y rhai ohonoch sydd eisoes ar ein grŵp WhatsApp Siop Fferm wedi sylwi mai gweinyddol yn unig ydyw. Bydd y grŵp newydd hwn, fodd bynnag, ar agor i sgwrsio, felly gall gwirfoddolwyr ofyn cwestiynau a chael atebion am bopeth sy’n ymwneud â’r fferm: gan gynnwys argaeledd trowsus gwrth-law, esgidiau glaw, menig a hetiau haul! Gallwch ymuno â'r grŵp Gwirfoddoli WhatsApp newydd yma.

Mae gwirfoddoli yn ffordd wych o fwynhau bod yn yr awyr agored ym myd natur, i ddysgu am gynhyrchu bwyd lleol, i gadw'n heini ac yn iach ac i gwrdd â phobl o'r un anian. Mae hefyd yn hwyl. Mae gennym amrywiaeth o weithgareddau sy'n addas ar gyfer pob oedran a gallu.

Dewch i gwrdd â'n cydlynydd gwirfoddolwyr newydd, Sam

Dewch i gwrdd â Sam, ein cydlynydd gwirfoddolwyr newydd. Gydag ysbryd creadigol wedi’i siapio gan ei waith fel gwneuthurwr ffilmiau a cherddor, mae Sam yn dod â naws unigryw i’n cymuned fferm. Dechreuodd ei daith gyda thyfu bwyd yn ei flynyddoedd cynnar, gan feithrin angerdd dwfn sydd wedi ffynnu dros amser.

Ers ymuno â’n tîm y llynedd, mae Sam wedi dod yn rhan annatod o weithrediadau Fferm Pandy. Mae ei allu naturiol i gysylltu â phobl, ynghyd â'i agwedd ymarferol, yn ei wneud yn berson perffaith i arwain ac ysbrydoli ein gwirfoddolwyr. Fel ein cydlynydd gwirfoddolwyr, bydd yn helpu i drefnu’r gwaith hanfodol sy’n cadw ein fferm yn rhedeg, o blannu tymhorol i ddathliadau’r cynhaeaf.

Rydyn ni'n gyffrous i gael Sam i gamu i'r rôl arweinyddiaeth hon, lle bydd yn helpu i gryfhau cysylltiadau ein fferm â'r gymuned ehangach.

Gallwch ymuno â'r grŵp Gwirfoddoli WhatsApp newydd yma. Bydd cyfleoedd i wirfoddoli yn cychwyn eto a’r ôl diwedd mîs Ionawr.

Gwleidyddiaeth Bwyd yn y DU

Gan Elen Jones

Yr hyn rydym yn ei argymell i’w ddarllen yn y cylchlythyr hwn yw adroddiad diweddaraf yr Proffesor Tim Jackson ar yr effaith aruthrol y mae ein system bwyd ‘junk’ yn ei chael ar economeg a chymdeithas y DU. [Cyswllt i lawrlwytho PDF]

Mae Proffesor Jackson yn amcangyfrif (yr hyn y mae’n ei ystyried yn “amcangyfrif ceidwadol iawn”) fod y DU yn colli £268 biliwn yn flynyddol oherwydd cost dietau sy’n uchel mewn siwgr, brasterau drwg, a halen. Mae'r dietau hyn yn achosi clefydau fel clefyd cardiofasgwlaidd a chlefyd yr arennau, sy'n costio biliynau i'r GIG i'w trin bob blwyddyn, tra hefyd yn cynhyrchu costau anuniongyrchol trwy lai o gynhyrchiant pan fydd pobl yn mynd yn sâl o fwyta bwyd o ansawdd gwael.

Mae hyn yn alwad pwisig i’n gwleidyddion gefnogi mentrau bwyd lleol fel Menter Pandy, sydd yn ddarparu bwyd iach i’w cymunedau. Mae’r rhan fwyaf o ffermydd bach fel ni yn cael trafferth gwerthu eu cynnyrch, sy’n anhygoel o ystyried bod y dewisiadau eraill yn gwneud pobl yn sâl, yn cynhyrchu milltiroedd bwyd uchel sy’n costio’r ddaear, neu’n cyfrannu at anghydraddoldeb cyfalafol trwy gefnogi archfarchnadoedd enfawr a chewri amaeth-ddiwydiannol. Mae arnom angen chwyldro yn y DU i drawsnewid ein system fwyd ac i addysgu plant ac oedolion am fanteision bwyta bwyd lleol iach, hanfodol, a dyfir yn naturiol.

A dyma ddiwedd cylchlythyr y gaeaf!

Diolch am fod yn rhan o gymuned Fferm Pandy.